1947թ օգոստոսի 7-ին ծնվել է մոլդովական ծագմամբ ուկրաինացի ու խորհրդային երգչուհի, ինչպես նաև ռեժիսոր, դերասանուհի, գրող և գործարար Սոֆիա Ռոտարուն։
Ծնվել է ուկրաինական Բուկովինայում որպես Սոֆիա Ռոտար (հետագայում Էդիտա Պյեխայի խորհրդով վերականգնել է նախնական ռումինական տարբերակը՝ Ռոտարու)։
Խորհրդային Ուկրաինայում ու Մոլդովայում նրան ճանաչում բերեց «Չերվոնո ռուտո» երգը (1966 թ.-ին), իսկ արդեն քսանմեկերորդ դարի առաջին տասնամյակում Ռուսաստանի ամենահայտնի երգչուհիներից մեկն էր։ Արժանացել է բազում մրցանակների ու կոչումների, այդ թվում՝ ԽՍՀՄ ժողովրդական արտիստի կոչմանը։ Նրա երգացանկը բաղկացած է 400 երգից՝ ռուսերեն, ուկրաիներեն, ռումիներեն, լեհերեն, բուլղարերեն, սերբերեն, գերմաներեն, ֆրանսերեն, անգլերեն և իտալերեն։ Ռոտարուն ապրում է Յալթայում, Մոսկվայում, Կիևում և Բադեն-Բադենում։
.gif)
