ՖՈՏՈ. Վաղուց ժամանակն է կյանքից գլուխ հանել միայնակ. Իննա Խոջամիրյանը՝ նոր նախագծի, բնակարան գնելու եւ Զիրոյանի հետ սիրավեպի մասին

Դերասանուհի Իննա Խոջամիրյանը շուտով կներկայանա իր համար նոր ձևաչափում. նա իր մասնակցությունն ունի «Վիտամին» փրոդաքշընի նոր՝ Whywomenswomens նախագծում: Այս եւ այլ հարցերի շուրջ  դերասանուհին խոսել է ArmLur.am-ի հետ զրույցում:

-Իննա՛, նախ կցանկանայի խոսել  «Վիտամին» փրոդաքշընի նոր՝ Whywomenswomens նախագծում Ձեր հանդես գալու, համագործակցության եւ հրավերերի առաջարկի մասին:

– Առաջարկը ստացել եմ «Վիտամին» փրոդաքշընի  պրոդյուսեր Վլադ Սահակյանից: ԱՆկեղծ ասած այս նախագիծն ինձ համար նոր հաթակ էր, երբեւէ հումորային ժանրում չեմ եղել: Կարծում եմ ՝ ինձ համար այս նախագծում հանդես գալը հետաքրքիր եւ պատասխանատու փորձություն է:

-Ինչպե՞ս եք Ձեզ զգում այդ նոր ոճում: Ի՞նչ բարդությունների եք հանդիպել:

-Դեռ խմորում ենք կերպարը, իրականում ես շատ եմ  հավանել: Արդեն իսկ շատ-շատ ենք աշխատել, բայցեւ դեռ շատ աշխատելու տեղ կա:

-Իննա՛, նկատում ենք, որ բավականին հաճախ եք կերպարանափոխվում, կտրուկ ոճային փոփոխությունների դիմում:

-Չէի ասի, թե հաճախ եմ դիմում ոճային փոփոխությունների: Ինձ համար կինը գունեղ էակ է. երանգներ, գույներ, տրամադրություն փոխելը  դեռեւս  փոփոխություն չէ, այն ինձ համար հոգեվիճակ է:

-Արդեն տեւական ժամանակ է ինչ դադարեցվել է «Երկուսով» ամենառեյտինգային հեռուստասերիալի եթեր հեռարձակվելը: Արդյոք նոր եթերաշրջան սպասվո՞ւմ է, թե ոչ: 

-«Երկուսով» հեռուստասերիալն ըստ նախնական կանխատեսումների եթեր  կհեռարձակվի սեպտեմբերի կեսին արդեն, հստակ ժամկետ նշել չեմ կարող: Ամեն դեպքում շատ սպասեցնել մեր հեռուստադիտողին եւ հետեւորդներին չենք տա:

-Իննա՛,  վերջին հարցազրույցներից մեկում ասել էիք, թե այս տարվա Ձեր միակ երազանքն ու նպատակը կապված է  բնակարան ձեռք բերելու հետ: Հետաքրքիր է , Ձեր անձնական միջոցներով կարո՞ղ եք այն ձեռք բերել, թե՞ ծնողների աջակցությունն ամեն դեպքում կլինի այդ հարցում:

-Ծնողներս ինձ բոլոր հարցերում  միշտ են աջակցել, բայց ես ինքնուրույն կայանալու կողմնակից եմ, եւ արդեն վաղուց ժամանակն է միայնակ գլուխ հանել կյանքից:

-Եվ վերջում, Իննա Ձեր եւ Զիրոյանի  սիրավեպի մասին «լեգենդներ» են հյուսվում: Իրականում ինչպիսի՞ն են ՁԵր հարաբերությունները:

-Այն, ինչ ենթադրվում է իբրեւ անձնական, ուրեմն անձնական է, եւ ոչ մի դեպքում հանրային չէ:

Զրուցեց Լիդա Եղիազարյանը