«Շատ կարեւոր քաղաքական պրոցես է սկսվել. կարեւոր է, որ ՀՀ ամեն քաղաքացի գիտակցի իր պատասխանատվությունը»,-Ազատության հրապարակում երեկոյան հայտարարեց Կոնգրեսի կենտրոնական գրասենյակի անդամ, «ՀԺ» գլխավոր խմբագիր Նիկոլ Փաշինյանը: Ըստ նրա՝ թեեւ կարծիք կա, որ քաղաքական պրոցեսներն ակտիվանում են ընտրությունների շրջանում, սակայն երեկոյան Հայաստանում սկսվել են ընտրություններ: «Առաջիկա ժամերին, օրերին ՀՀ յուրաքանչյուր քաղաքացի պետք է ընտրություն կատարի Ազատության հրապարակի եւ իր բազկաթոռի կամ բազմոցի միջեւ, թե որն է ավելի կարեւոր»,-ասաց Փաշինյանը: Նա համոզված է, որ ՀՀ քաղաքացին ընտրություն է կատարելու հօգուտ Ազատության հրապարակի եւ հասնելու է արտահերթ ընտրությունների:
.gif)
