Սիսիանի տարածաշրջանում ձյուն է տեղում. կան փակ ավտոճանապարհներ

ՀՀ ՏԿԵՆ «Ճանապարհային դեպարտամենտ» ՊՈԱԿ-ը տեղեկացնում է, որ մարտի 3-ին՝ ժամը 17։00-ի դրությամբ‚ Սիսիանի տարածաշրջանում ձյուն է տեղում։

Բքի պատճառով Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար։ Սևանի կղզուց մինչև Ծովագյուղի խաչմերուկ, Գավառի տարածաշրջանում (Նորատուս գյուղ) և Գորիս-Սիսիան ավտոճանապարհին բուք է։

Վարդենյաց լեռնանցքը դժվարանցանելի է կցորդիչով տրանսպորտային միջոցների համար։ Միջպետական և հանրապետական նշանակության մյուս ավտոճանապարհները բաց են: