Ռաուլը «Ռեալ» ֆուտբոլային ակումբի գլխավոր մարզչի պաշտոնում Զինեդին Զիդանին փոխարինելու հիմնական հավակնորդն է, հայտնում է Marca մարզական պարբերականը:
Նյութում ասվում է, որ «Ռեալի» ղեկավարությունը հավանական թեկնածուների քննարկման ժամանակ այլ անուններ է հայտնել, բայց բանակցողների մեծամասնությունը ֆավորիտ համարում է Ռաուլին: Ավելի վաղ հաղորդվել էր, որ թիմը կարող է գլխավորել Յոախիմ Լյովը, ով շուտով կլքի Գերմանիայի հավաքականը:
Ավելի վաղ իսպանական լրատվամիջոցները հաղորդել էին, որ Զիդանը որոշել է մրցաշրջանի ավարտին հեռանալ ակումբից:
Մադրիդի «Ռեալի» նախկին հարձակվող Ռաուլը 2019 թվականից մարզում է Մադրիդի «Ռեալի» պահեստային թիմը:
Զիդանը «Ռեալի» մարզչի պաշտոնում նախորդ մրցաշրջանում թիմին առաջնորդեց մինչև Իսպանիայի չեմպիոնություն: 2016-ից 2018 թվականներին մադրիդյան ակումբը նրա գլխավորությամբ երեք անգամ հաղթել է Չեմպիոնների լիգայում, մեկ անգամ էլ դարձել ազգային առաջնության հաղթող:
.gif)
