ՏԵՍԱՆՅՈՒԹ. Կոռուպցիայի կանխարգելման հանձնաժողովը նոր բացահայտումներ կանի. որ պաշտոնյաներն են հայտնվել թիրախում

ArmLur.am-ը զրուցել է Կոռուպցիայի կանխարգելման հանձնաժողովի նախագահ Հայկուհի Հարությունյանի հետ՝ պարզելու համար, թե կոնկրետ ինչ պաշտոնյաներ են հայտնվել Կոռուպցիայի կանխարգելման հանձնաժողովի տեսադաշտում եւ ինչ է մտածում հանձնաժողովը ԱԺ «Իմ քայլը» խմբակցության պատգամավոր Հայկ Սարգսյանի մասով ՀՔԾ-ում քննվող քրեական գործի շուրջ տեղի ունեցած զարգացումներից:

Հիշեցնենք, որ Աժ «Իմ քայլը» խմբակցության պատգամավոր Հայկ Սարգսյանի գործով ուշագրավ իրավիճակ է ստեծվել իրավապահ համակարգում: ArmLur.am-ին հասած տեղեկությունների համաձայն, Գլխավոր դատախազությունը վերացրել է ՀՔԾ-ի որոշումը՝ պատգամավորի մասով, քրեական գործ չհարուցելու դեպքով եւ ուղարկել է ՀՔԾ, որտեղ էլ հարուցվել է քրեական գործ եւ կատարվում է քննություն: Հատուկ քննչական ծառայության լրատվական բաժնից հաստատեցին մեր տեղեկությունը՝ նշելով.
«Գլխավոր դատախազությունը վերացրել է քրեական գործ չհարուցելու որոշումը: ՀՔԾ-ում հարուցվել է քրեական գործ, նախաքննությունը շարունավում է»:

Իսկ ինչ էր կատարվել

Հիշեցնենք՝ «Կոռուպցիայի կանխարգելման հանձնաժողովն» արձանագրել էր, որ պատգամավորի 2018-ին ներկայացրած հայտարարագրում եկամուտների էական փոփոխությունը չի հիմնավորվել օրինական եկամտի աղբյուրներով, այսինքն՝ մինչ պաշտոն զբաղեցնելը նա այլ եկամուտ է ունեցել, իսկ դրանից հետո աճը եղել է չհիմնավորված, ինչն էլ կասկած է առաջացրել ու հաղորդում ներկայացրել դատախազություն։ Դատախազությունն էլ այս գործը ուղարկել էր ՀՔԾ, որտեղ մայիսի 10-ին որոշել էին
ԱԺ «Իմ քայլը» խմբակցության պատգամավոր Հայկ Սարգսյանի կողմից իր եկամտի աղբյուրները թաքցնելու, հայտարարագրում կեղծ տվյալներ ներառվելու դեպքի առթիվ քրեական գործի հարուցումը մերժվել հանցակազմի բացակայության հիմքով, սակայն ինչպես նկատում ենք, Գլխավոր դատախազությունը պատերազմ է հայտարարել պատգամավորին եւ որոշել է կուլ չգնալ իշխանություններին եւ գործին ընթացք տալ:

Մանրամասները՝ տեսանյութում:

Քնար Մանուկյան