Իրանի զինված ուժերի հրամանատարության տվյալներով՝ Մերձավոր Արևելքում գտնվող բոլոր ամերիկյան ռազմական բազաները ոչնչացվել են։
«Քանի որ տարածաշրջանում գտնվող բոլոր ամերիկյան բազաները ոչնչացվել են, ամերիկացի հրամանատարներն ու զինվորները փախել են և ապաստան են գտել բազաներից դուրս գտնվող ապաստարաններում։ Մենք նրանց ենք փնտրում», – ասել է Իրանի զինված ուժերի «Խաթամ ալ-Անբիա» կենտրոնական շտաբի խոսնակ Էբրահիմ Զոլֆաղարին։
Խոսնակը նաև կոչ է արել տարածաշրջանի բնակիչներին հայտնել ամերիկյան զորքերի թաքստոցների մասին և միաժամանակ պահանջել նրանց վտարել տարածաշրջանից՝ իրենց սեփական անվտանգության համար։
Նա նաև ընդգծել է, որ Հորմուզի նեղուցով անցման կանոնները «վերահաստատվել են, և իրադրությունը չի վերադառնա նախկին վիճակին»։
Հայտարարության մեջ ընդգծվում է, որ ԱՄՆ-ն և դրա հետ կապված երկրները անցման իրավունք չունեն, և այն տրամադրելու որոշումը կայացնում է իրանական կողմը։
«Որքան շատ փորձեք խուսափել պատերազմի շարունակությունից, այնքան ավելի ուժեղ է մեր ժողովրդի դիմադրությունը և մեր զինված ուժերի ուժը ամեն անցնող պահի հետ։ Դուք ինքներդ եք հասնում ձեր սեփական եզրակացություններին պատերազմի վերաբերյալ և համաձայնվում բանակցությունների։ Նայեք մեր ժողովրդի սրտերին մարտի դաշտում, որտեղ պայքարի մեջ կա միայն հույս և համառություն»,-եզրափակել է նա։
.gif)
