ArmLur.am-ը տեղեկացավ, որ հայրենի կառավարությունն առաջարկել եք օգոստոսի 17-ին, երեքշաբթի օրը ԱԺ արտահերթ նիստ հրավիրել: Մենք տեղեկացանք, որ օրակարգում մեկ հարց է լինելու «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին:
Ըստ մեր տեղեկությունների՝ իշխանությունը պետք է հաստատի Սևանից ջուր բաց թողելը, ու դա պետք է արվի միայն խորհրդարանի հաստատմամբ: Բանն այն է, որ երաշտի հետևանքով ջուր է անհրաժեշտ Արարատյան դաշտին, ինչի համար էլ որոշվել է հրատապ ու արտահերթ նիստ հրավիրել:
Հարցը պետք է քննարկվի ու ընդունվի առաջին ու երկրորդ ընթացմամբ: Նշենք, որ հայրենի օրենսդիրները ստիպված կլինեն առաջիկայում նորից գալ խորհրդարան, քանի որ կառավարությունը պետք է ներկայացնի իր ծրագիրը:
Սոնա Գրիգորյան
.gif)
