Ամերիկացի կենսաբանները կապիկների և մկների մոտ գեն են հայտնաբերել, որ որի մուտացիաներից մեկը արգելափակում է ՄԻԱՎ, Էբոլա և այլ վտանգավոր վիրուսները: Մարդկանց մոտ նույնպես կա այդ գենը, սակայն օրիգինալ տարբերակով՝ առանց մուտացիաների:
Ինչպես հաղորդում է «ՌԻԱ Նովոստի»-ն՝ հղում անելով Cell ամսագրում հրապարակված հոդվածին, հետազոտության հեղինակների կարծիքով՝ եթե հաջողվի փոփոխել այդ գենը, դա բեկումնային կետ կդառնա բազմաթիվ մահացու վիրուսների դեմ պայքարում:
CHMP3 գենն առանցքային դեր է կատարում բջջային գործընթացներում, որոնք կենսական նշանակություն ունեն բջջային մեմբրանի ամբողջականության պահպանման համար:
«Սա անսպասելի բացահայտում է: Մենք զարմացած էինք, որ մեր բջջային կենսաբանության փոքր-ինչ դանդաղումը զրոյացնում է վիրուսների վերարատադրումը»,- ասվում է Յուտայի համալսարանի մամուլի հաղորդագրության մեջ:
.gif)
