ՏԵՍԱՆՅՈՒԹ. Գեներալների հետ շփումներում զգուշություն պահպանեք. Սուրեն Պապիկյանի աստղագուշակը

ArmLur.am-ը ներկայացնում է ամենամյա քաղաքական աստղագուշակը՝ փորձելով վերլուծել, թե ինչ տարի էր անցնող Ցլի տարին հայրենի քաղաքական գործիչների համար, եւ ինչ է սպասվում նրանց հաջորդ՝ Վագրի տարում:

ՀՀ պաշտպանության նախարար Սուրեն Պապիկյան

ՀՀ ամենաբարձր պաշտոնները հերթով զբաղեցրած Սուրեն Պապիկյանի համար հաջողությունները վագրային թռիչքներով կշարունակվեն: Հնարավոր է` 2022-ին էլ մի նոր պաշտոն ստանաք, քանի որ վագրը նաեւ ձեր համաստեղությունն է եւ հաջողությունը կրկնկակոխ հետապնդում է ձեզ:

Աստղերը, սակայն, հուշում են, որ պատմության ուսուցչի անցյալը չպետք է մոռանալ եւ պատմական անիծված սխալներ թույլ տվող անմիջական վերասադին երկրպագելու փոխարեն, հավատարմության երդում տվեք եկեղեցում` ձեր սիրելիին: Աճապարել է պետք, քանի որ աղջիկները չեն սիրում երկար սպասել:

Բացի այդ, աստղերը հուշում են, որ օժիտի եւ վարկով տուն գնելու կարիք, այլեւս չկա: Ձեր փոխարեն դա արել ու անում են հաճախորդները, տարբեր տենդերներում հաղթողները, որոնք կհոգան նաեւ ձեր արտաքին իմիջի հարցերը: Զգուշացեք աշխատանքային ոլորտում արկածախնդրությունից, քանի որ հնարավոր է այն ծանր հետեւանքներ ունենա ողջ երկրի համար:

Գեներալների հետ շփումներում, ամեն դեպքում, զգուշություն պահպանեք. մոխրամաններից հեռու: Իսկ ապագան փնտրեք միայն ընտանիքում:

Վերջում հիշեցնենք, որ աստղերը հուշում են, բայց չեն պարտարդրում:

Մանրամասները՝ տեսանյութում