ԱՀ առողջապահության նախարարության կողմից կորոնավիրուսային հիվանդության դեմ «Պֆայզեր» BNT162b2/Comirnaty (Pfizer-BioNTech) պատվաստանյութը ներկրվել է Արցախ: Այս մասին տեղեկացնում է ԱՀ առողջապահության նախարարությունը:
«Քովիդ-19»-ի դեմ «Պֆայզեր» պատվաստանյութի ձեռքբերված խմբաքանակը տրամադրվել է ԱՀ առողջապահության նախարարության Հանրապետական բժշկական կենտրոնին:
Կորոնավիրուսային հիվանդության (COVID-19) դեմ «Պֆայզեր» BNT162b2/Comirnaty (Pfizer-BioNTech) պատվաստանյութով պատվաստումային գործընթացի կազմակերպումը ապահովվում է Արցախի Հանրապետության առողջապահության նախարարի համապատասխան հրամանով սահմանված ռիսկի խմբերի, ինչպես նաև 18 տարեկան և բարձր տարիքի անձանց շրջանում, իսկ 12-ից մինչև 18 տարեկան անձանց պատվաստումների իրականացումն ըստ դիմելիության՝ ծնողների կամ այլ օրինական ներկայացուցիչների գրավոր համաձայնության ներկայացման դեպքում:
Որպես բուստեր դեղաչափ`«Պֆայզեր» պատվաստանյութը կիրառելի է 18 և բարձր տարիքի անձանց շրջանում՝ պատվաստման ամբողջական կուրսից հետո առնվազն 3 ամիս անց:
«Պֆայզեր» պատվաստանյութով «Քովիդ-19»-ի դեմ պատվաստման մեկնարկը Արցախում տրվել է մարտի 29-ին: Ապրիլի 1-ի դրությամբ պատվաստվել է 12 քաղաքացի:
.gif)
