ԵՄ ընկերությունները առանց պատժամիջոցները խախտելու կարող են շրջանցել գազի վճարումները ռուբլով ստանալու Ռուսաստանի պահանջը, եթե վճարեն եվրոյով կամ դոլարով, որոնք այնուհետեւ փոխարկվեն ռուսական արժույթի, ուրբաթ օրը հայտարարել է Եվրահանձնաժողովը, հաղորդում է Reuters-ը։
Ընկերությունները պետք է նաեւ լրացուցիչ պայմաններ փնտրեն գործարքների համար, օրինակ՝ հայտարարություններ այն մասին, որ իրենց պայմանագրային պարտավորությունները կատարված են համարում ոչ ռուսական արժույթներով վճարելուց հետո։
Հանձնաժողովը հայտարարել է, որ ընկերությունները պետք է շարունակեն վճարել «Գազպրոմ»-ի հետ պայմանագրերում համաձայնեցված արժույթով, որի 97 տոկոսը եվրոյով կամ դոլարով է: Բրյուսելի փաստաթղթում ասվում է, որ կան տարբերակներ, որոնք կարող են թույլ տալ ընկերություններին շարունակել օրինական կերպով վճարել գազի համար:
ԵՄ պատժամիջոցների ռեժիմը չի խանգարում ընկերություններին հաշիվներ բացել «Գազպրոմբանկ»-ում կամ համագործակցել բանկի հետ՝ փորձելով լուծում գտնել, ասվում է փաստաթղթում։
.gif)
