«Եթե որոշել են «կորտեժով» շրջել, պետք է պատշաճորեն մարդկանց անվտանգությունն ապահովեն»

Իրավապաշտպան Նինա Կարապետյանցն ասում է, որ, իհարկե, տեղյակ է՝ կառավարական կաբինետի կամ իշխանության տարբեր անդամներին ուղեկցող ավտոշարասյան համար ճանապարհային երթևեկության որոշակի այլ նորմեր ու կանոններ են գործում, բայց դա պետք է այնպես կանոնակարգվի, որ քաղաքացիները նման ողբերգական միջադեպերի կենտրոնում չհայտնվեն: ArmLur.am-ի հետ զրույցում նշում է՝ նման դեպքերում ոստիկանները պետք է նախապես կանխարգելիչ հայտարարություններով կամ գործողությւոններով ապահովեն քաղաքացիների անվտանգությունը:

«Թեև 2018-ին այսօրվա իշխանությունները հեծանիվով ու մետրոյով երթևեկելու մասին էին խոսում, այժմ կորտեժներով ու թիկնազորով են երթևեկեում: Ինչևէ, եթե որոշել են այդպես շրջել, ապա պարտավոր են մարդկանց անվտանգությունը պատշաճ կազմակերպել»,- շեշտում է Կարապետյանցն ու ավելացնում, որ այս դեպքից հետո չլինի հանկարծ այնպես, որ առհասարակ որևէ մեկը պատասխանատվության չկանչվի:
Պաշտոնայներին ուղեկցող ոստիկաններն, ասում է, հատուկ գիտելիքներ ու հմտություններ պետք է ստացած լինեին: Չնայած առանձնապես հույս չունի, թե համարժեք գնահատական կտրվի, բայց այն համոզմանն է, որ ողբերգական դեպքի ավելի վերադաս պատասխանատուները նույնպես պատասխանատվության իրենց բաժինը պետք է ուենան:

«Իշխանությունը շատ վաղուց կտրվել է այն բոլոր խոստումներից, որտեղ մարդը բարձրագույն արժեք էր: Հայաստանի իշխանություններին խորհուրդ կտամ նորից կարդալ այն Սահմանադրությունը, որտեղ գրված է՝ մարդը բարձրագույն արժեք է: Այդ Սահմանադրությանն, ի դեպ, այսօրվա իշխանավորներն անվանարկում ու ասում էին, թե այն «մեկ անձի հագով է կարված»՝ չնայած, որ առ այսօր նույն «կոստյումն» իրենք են հագնում: Հասկանում եք՝ խոսքը մարդու կյանքի իրավունքի մասին է ու առավել ծանր է, որ քաղաքացու մահվան պատճառը իրավական, պետական համակարգի ներկայացուցիչն է իր դարձել՝ իր ոչ պրոֆեսիոնալ գորճելաոճով»,- շեշտում է նա:

Սևակ Վարդումյան