Առաջիկա օրերին հայ-ադրբեջանական միջպետական սահմանին երկու երկրների սահմանային հարցերով հանձնաժողովների առաջին հանդիպումը կկայանա: Այս մասին Բրյուսելում Եվրոպական միության խորհրդի նախագահ Շառլ Միշելի միջնորդությամբ տեղի ունեցած Հայաստանի և Ադրբեջանի ղեկավարների երրորդ հանդիպումից հետո ԵՄ նախագահի տարածած հայտարարության մեջ է նշվում:
Անհասկանալի է տրանսպորտային հաղորդակցությունների ապաշրջափակման անհրաժեշտության հատվածը, որտեղ կիրառվում է «տարանցում» տերմին և այն մասը, որտեղ խոսվում է Ադրբեջանի արևմտյան մասը Նախիջևանին կապող ճանապարհի սկզբունքների մասին: Ի՞նչ սկզբունքների մասին է խոսքն, ու ի՞նչ է ստացվում՝ եթե Հայաստանն Արցախին կապող ավտոճանապարհ կա Բերձորի տարածքով, ապա կարո՞ղ է պատահել, որ պաշտոնական Բաքուն նույն հիմքով մեր տարածքով դեպի Նախիջևան ճանապարհ ցանկանա:
Որևէ հիշատկում չկա ԵԱՀԿ Մինսկի խմբի համանախագության մասին: Ռուսաստանն իսպառ դուրս է մնացել այս հայտարարության տեքստից. եթե նախկին 2 հայտարարություններում շեշտվում էին Ռուսաստանի միջնորդությամբ ձեռք բերված հայտարարություններն ու պայմանավորվածությունները, այս անգամ անգամ դրան հղում չի արվում:
Սևակ Վարդումյան
.gif)
