ՔՊ-ն ընդիմադիրներին մանդատից զրկելու համար Սահմանադրական դատարան չի դիմի

Հուլ 14,2022 19:27

ՀԵՏԵՎԵՔ ՄԵԶ Telegram-ՈՒՄ

Խորհրդարանական մեծամասնությունը՝ «Քաղաքացիական պայմանագիր» խմբակցությունը, ընդդիմադիրներին մանդատից զրկելու համար Սահմանադրական դատարան չի դիմի: ArmLur.am-ին այս մասին հայտնի դարձավ ԱԺ-ում մոտ մեկ ժամ առաջ մեկնարկած խորհրդի նիստից հետո: Հիշեցնենք, որ ԱԺ խորհուրդը նիստ էր գումարել, որի օրակարգում ընդդիմադիր մի շարք պատգամավորների մանդատից զրկելու համար ՍԴ դիմելու հարցն էր:

Հիշեցնենք, որ այսօր «Ժողովուրդ» օրաթերթը գրել էր, որ մեր տեղեկություններով՝ ընդդիմադիր պատգամավորներին մանդատից զրկելու շուրջ սկսված գործընթացը ավարտին չի հասցվի: ՔՊ-ն ընդամենը նրանց վախեցնելու համար է ինչ-որ քայլեր անում՝ լավ իմանալով, որ չի կարողանալու բոլորին զրկել մանդատներից: