«Կաղամարի խաղ»-ը շարունակում է նոր ռեկորդներ գրանցել

«Կաղամարի խաղ»-ը ներառվել է «Էմմի» մրցանակի պատմության մեջ՝ ստանալով 2022 թվականի «Էմմի» մրցանակաբաշխության ռեկորդային 14 անվանակարգեր: Հուլիսի 12-ին «Էմմի» մրցանակաբաշխությունը պաշտոնապես հայտարարել է այս տարվա թեկնածուներին, իսկ ֆենոմեն է «Կաղամարի խաղ»-ը, որը առաջադրվել է 14 անվանակարգերում, որոնցից շատերը մրցանակաբաշխության հիմնական անվանակարգերն են։

«Կաղամարի խաղ»-ը դարձել է առաջին ոչ անգլալեզու սերիալը, որը երբևէ առաջադրվել է «Էմմի» մրցանակի «Ականավոր դրամատիկ սերիալ» անվանակարգում՝ մրցելով ամերիկյան հայտնի «Ավելի լավ է զանգահարեք Սոլին», «Էյֆորիա», «Օզարկ», «Բաժանում», «Շատ տարօրինակ գործեր», «Ժառանգներ» և «Շերլետներ» սերիալներին: Բացի այդ, «Կաղամարի խաղի» հինգ աստղեր առաջադրվել են դերասանական մրցանակների, ինչը նրանց թույլ է տվել դառնալ պատմության մեջ առաջին կորեական դերասանները, որոնք անվանակարգեր են ստացել իրենց համապատասխան կատեգորիաներում:

Լի Չժոն Չժեն հավակնում է «Դրամատիկ սերիալում առաջատար դերասանի» կոչմանը, մինչդեռ Չոն Հո Յոնը առաջադրվել է «Դրամատիկ սերիալում երկրորդ պլանի լավագույն դերասանուհի» անվանակարգում: Պակ Հե Սուն եւ Օ Են Սուն երկուսն էլ առաջադրվել են «Դրամատիկ սերիալում երկրորդ պլանի լավագույն դերասան» անվանակարգում, իսկ Լի Յու Մին հավակնում է հաղթանակի «Դրամատիկ սերիալում հրավիրված դերասանուհի» անվանակարգում:

Ռեժիսոր Հվան Դոն Հեկը նույնպես դարձել է առաջին բնիկ կորեացին, որը «Էմմի» մրցանակի է հավակնում ռեժիսուրայի եւ սցենարի համար, մասնավորապես, «Դրամատիկ սերիալի ականավոր ռեժիսուրա» եւ «Դրամատիկ սերիալի ականավոր սցենար» անվանակարգերում:

«Էմմի» մրցանակի 74-րդ արարողությունը տեղի կունենա 2022 թվականի սեպտեմբերի 12-ին ԱՄՆ-ում: