Հայաստանի շախմատի կանանց ընտրանին հաղթել է Նորվեգիայի հավաքականին

Հայաստանի շախմատի կանանց հավաքականը շարունակում է բացարձակ հաղթանակների շարքը Համաշխարհային օլիմպիադայում:

«Արմենպրես»-ի հաղորդմամբ` Զավեն Անդրիասյանի գլխավորած թիմը օլիմպիադայի երկրորդ տուրում մրցեց Նորվեգիայի հավաքականի հետ և բացարձակ հաղթանակ տարավ` 4:0:

Առաջին տուրում կանանց ընտրանին 4:0 հաշվով պարտության էր մատնել Բոտսվանայի հավաքականին:

Կանանց ընտրանու կազմում են Էլինա Դանիելյանը, Լիլիթ Մկրտչյանը, Աննա Սարգսյանը, Մարիամ Մկրտչյանը և Սուսաննա Գաբոյանը:

Շախմատի Համաշխարհային օլիմպիադան այս տարի անցկացվում է Հնդկաստանում՝ Չեննայ քաղաքում՝ հուլիսի 29-ից օգոստոսի 10-ը: