Երեկ ՝ օգոստոսի 25-ին՝ Հայկոյի ծննդյան օրը, կայացավ սիրո հավերժ երգչի հիշատակին նվիրված համերգը: Համերգի սկզբից մինչեւ վերջ հանդիսատեսը չդադարող ծափարությունների ներքո, ապրեց, վայելեց, զգաց Հայկոյի ներկայությունը նրա հնչյունների ներքո:
«Սերը սիրուց հետո՝ կարոտով…» խորագրով համերգային ծրագրում հետաքրքիր տեխնիկական, ռեժիսորական, երաժշտական լուծումների, մեծ նվագախմբի շնորհիվ ներկայացվեցին սիրո հավերժ երգչի ստեղծագործությունները, ֆիլմերի համար գրված երաժշտությունը, ինչպես հեղինակներն էին բնորոշել` Հայկոյի աշխարհը, պոեզիան։
Նշենք, որ Երևանի Կ. Դեմիրճյանի անվան մարզահամերգային համալիրի փոքր դահլիճում ՀՀ վաստակավոր արտիստի հիշատակին նվիրված համերգը «Հայկո Հակոբյան մշակութային հիմնադրամ»-ի նախաձեռնությամբ իրականացվեց։
Ավելի վաղը ArmLur.am-ի հետ զրույցում համերգի պրոդյուսեր Իրինա Վարդանյանն ասել էր, որ ամեն ինչ անելու են, որպեսզի համերգը լինի Հայկոյի մասին, Հայկոյի հետ, Հայկոյի մասնակցությամբ:
.gif)
