Ֆրանսիայում վայրէջքի պահին ինքնաթիռը դուրս է եկել թռիչքուղուց և հայտնվել է լճակում

Ֆրանսիայի հարավում,Մոնպելյե քաղաքում,բեռնատար ինքնաթիռը վայրէջքի պահին ժամանակ դուրս է եկել թռիչքուղուց և հայտնվել է մոտակա ջրատարում։

Քաղաքացիական ավիացիայի անվտանգության հետազոտությունների և վերլուծության ֆրանսիական բյուրոյի (BEA) թվիթերյան գրառման համաձայն՝ West Atlantic Airlines ավիաընկերության Boeing 737 բեռնատար ինքնաթիռը Մոնպելյեի օդանավակայանում վայրէջք կատարելիս դուրս է եկել թռիչքուղուց և ընկել է ջրատարը։

Ինքնաթիռում եղած 3 անձինք դուրս են բերվել առանց վնասվածքների։ Դեպքի առթիվ հետաքննություն է սկսվել։

Շրջանի նահանգապետի հայտարարության համաձայն Մոնպելյեի օդանավակայանում թռիչքները դադարեցվել են՝ սպասելով թռիչքուղու անվտանգության ստուգման ավարտին: