Ինչպես արդեն տեղեկացրել էինք, ՀԱԷԿ-ի գլխավոր տնօրեն Գագիկ Մարկոսյանը, երեկ հանդիպելով ատոմակայանի աշխատակիցներին, տեղեկացրել էր, որ աշխատավարձերը չի կարող բարձրացնել` պատճառաբանելով, թե ատոմակայանի համար նախատեսված բյուջեում գումար չկա:
Հարց. Եթե ՀԱԷԿ-ի աշխատակիցները բոյկոտեն, ի՞նչ կլինի, եւ այս հարցին ի՞նչ լուծում պետք է տրվի:
ՊԱՏԱՍԽԱՆ. ՀԱԷԿ-ը` որպես ռազմավարական նշանակություն ունեցող օբյեկտ, պետք է, այնուամենայնիվ, շարունակի գործել: Շատ վատ կինի, եթե խաթարվի նրա բնականոն գործունեությունը: Որպես խնդրի լուծում` կարծում եմ` պետք է շարունակի իր բնականոն գործունեությունը:
խմբակցության անդամ
ՊԱՏԱՍԽԱՆ. Այս ամենից կարելի է եզրակացնել, որ ատոմակայանի ղեկավարությունը, ինչպես նաեւ էներգետիկայի նախարարությունն ունեն իրենց այլընտրանքային տարբերակը` ատոմակայանի արտադրած էներգիայի փոխարեն իրենք նախընտրում են օգտագործել ջերմաէլեկտրակայաններից ստացված էներգիան, որից կստանան ավելի մեծ շահույթ: Որպես հարցի լուծում` տեսնում եմ աշխատակիցների պահանջների կատարում, քանի որ նրանց կատարած աշխատանքը շատ կարեւոր է եւ արժանի է ավելի բարձր վարձատրության: Կառավարությանը չեն հետաքրքրում այդ մարդկանց ճակատագրերը, իրենց հետաքրքրում է, որ հերթական նվերը մատուցեն Ռուսաստանին:
տնտեսագետ
ՊԱՏԱՍԽԱՆ. Այս դեպքը առաջինը չէ: Տարիներ առաջ նույն ատոմակայանում կառավարությունը հրաժարվում էր վճարել աշխատողերի աշխատավարձը: Խոսքը մեծ չափի գումարի մասին է, «Ժառանգություն»-ը հասավ նրան, որ կառավարությունը նախ ճանաչեց այդ պարտքը, եւ սահմանվեց ժամանակ, որի ընթացքում վերադարձրեց նրանց աշխատավարձը: Ատոմակայանի բարձր որակավորում ունեցող աշխատակիցների նկատմամբ քամահրական վերաբերմունքը նորություն չէ: Այս անգամ էլ աշխատավարձերի խնդրով «Ժառանգություն»-ը հարցը բարձրացնելու է Ազգային Ժողովում, հարցի լուծման կապակցությամբ դիմելու է կառավարությանը, քանի որ եթե նրանք ազատվեն աշխատանքից, ապա կհեռանան երկրից: Կառավարությունն իրավունք չունի նրանց չպահել Հայաստանում: Եւ որպես խնդրի լուծում` «Ժառանգություն»-ը հրապարակայնորեն փորձելու է հասնել նրան, որպեսզի առնվազն նրանց ցանկությունը բավարարվի, եւ նրանք չհեռանան իրենց աշխատանքից: Առաջին քառօրյայում անդրադառնալու ենք այս խնդրին, փորձելու ենք կառավարությանը պարտադրել կատարել աշխատակիցների բողոքները:
«Ժառանգություն» խմբակցության
ղեկավար
ՊԱՏԱՍԽԱՆ. Հասկանում եմ, որ աշխատողների պահանջը հստակ հիմնավորված է, եւ բոլոր պարագաներում հարկավոր է փնտրել որեւէ ձեւ, որպեսզի աշխատողների պահանջը բավարարվի: Բոլոր դեպքերում չեմ կարծում, որ նրանք իզուր տեղը բողոքի ալիք բարձրացնեն հատկապես վարձատրության կտրվածքով: Որպես խնդրի լուծում` կարծում եմ` պետք է որոշակի չափով բավարարվի նրանց պահանջը, բայց խնդիրը չլուծելու դեպքում դժվարությունների առաջ ենք կանգնելու:
պատգամավոր, ԲՀԿ անդամ
պատրաստեց ՄԵՐԻ ՀՈՒՆԱՆՅԱՆԸ
.gif)
