Եղիսաբեթ թագուհու մահից հետո արքայազն Ուիլյամը դարձավ իր հոր՝ մոտ 400 միլիոն դոլար արժողության գույքի պորտֆելի սեփականատերը, ներառյալ HMP Dartmoor բանտը: Այս մասին հայտնում է New York Post-ը։ 1809 թվականից բանտը գտնվում է Փրինսթաունում՝ անգլիական Դևոն կոմսությունում։ C կատեգորիայի տղամարդկանց բանտը վերապատրաստման և վերաբնակեցման հաստատություն է, որը բանտարկյալներին, հիմնականում «սպիտակ օձիքով» աշխատողներին, հնարավորություն է տալիս զարգացնել իրենց հմտությունները, որպեսզի նրանք կարողանան աշխատանք գտնել և ազատվելուց հետո վերադառնալ համայնք:
Dartmoor-ը բաղկացած է վեց շենքից, որտեղ տեղադրված են տեսախցիկներ: Բանտում կարող են կրթություն ստանալ՝ հիմնական կրթական հմտություններից մինչև համալսարանական դասընթացներ: Մասնագիտական ուսուցումը ներառում է էլեկտրոնիկա, աղյուսագործություն, ատաղձագործություն, նկարչության և այլ տեսակի դասընթացներ։
.gif)
