Ալիևը զանգահարել է Էրդողանին՝ քննարկելու Սոչիի եռակողմ հանդիպման արդյունքները

Նոյեմբերի 2-ին Ադրբեջանի Հանրապետության նախագահ Իլհամ Ալիևը զանգահարել է Թուրքիայի Հանրապետության նախագահ Ռեջեփ Թայիփ Էրդողանին։

Vesti.az-ի փոխանցմամբ՝ այս մասին տեղեկություն է տարածել Ադրբեջանի նախագահի մամուլի ծառայությունը։

Հեռախոսազրույցի ընթացքում քննարկվել են Սոչիում կայացած Ադրբեջանի, Ռուսաստանի և Հայաստանի ղեկավարների հանդիպումը և ստորագրված համատեղ հայտարարությունը։

Հիշեցնենք, որ ավելի վաղ ՌԴ Վլադիմիր Պուտինը հեռախոսազրույց է ունեցել Թուրքիայի Հանրապետության նախագահ Ռեջեփ Թայիփ Էրդողանի հետ՝ Սոչիում կայացած հանդիպման արդյունքների մասին: