ՖՈՏՈ․ Բարի ընկեր Սաթենն էլ չկա… ովքեր են այսօր ողբերգական վթարի հետևանքով կյանքից զրկված քաղաքացիները

ArmLur.am֊ն արդեն հայտնել էր, որ այսօր ողբերգական ավտովթար է տեղի ունեցել Արմավիր-Մեծամոր ավտոճանապարհին։ Բախվել էին Երևան-Արմավիր-Քարակերտ երթուղին սպասարկող «GAZel» մակնիշի միկրոավտոբուսը և «ZIL» մակնիշի բեռնատարը:

Ըստ պաշտոնական տեղեկության՝ պատահարի հետևանքով 4 քաղաքացի (Ն. Կ., ծնված 2003 թ․, Մ․ Խ․, ծնված 2004 թ․, Հ․ Մ․, ծնված 2007 թ․, Դ․ Ս․, ծնված 1975 թ․) մահացել է: Կան 7 տուժածներ:

ArmLur.am֊ին հայտնի դարձավ, որ մահացածների ցանկում են 47֊ամյա Սաթենիկ Դավթյանն իր 15 ամյա որդու հետ։ Սաթենիկ Դավթյանն աշխատում էր Երևանի «Մեր աշխարհը» մանկական կենտրոնում՝ որպես մանկավարժ։

«ժողովուրդ» օրաթերթի և ArmLur.am֊ի խմբագրակազմը ցավակցություն է հայտնում Սաթենիկ Դավթյանի ընտանիքի անդամներին, հարազատներին, բոլոր սաներին՝ անժամանակ մահվան առիթով։
Ուրախ, կենսախինդ, բարի ընկեր Սաթենն էլ չկա…

Լուսանկարները՝ Սաթենիկ Դավթյանի ֆեյսբուքյան էջից։