ԿԳՄՍ նախարարությունը Բրյուսովի պետական համալսարանը Մանկավարժական համալսարանին միավորելու նախագիծ էր դրել շրջանառության մեջ: Ավելի կոնկրետ՝ իշխանությունը մտադիր էր Բրյուսովը և Ֆիզկուլտ ինստիտուտը միավորել Մանկավարժական համալսարանին:
Բրյուսովի համալսարանը փակելու լուրերի ֆոնին ուսանողները բողոքի ակցիաներ էին պարբերաբար իրականացնում: Բրյուսովի ուսանողները և դասախոսները նամակով դիմել էին նաև Նիկոլ Փաշինյանին:
ArmLur.am-ի տեղեկություններով՝ ուսանողների այս պայքարն իր արդյունքը տվել է, և իշխանությունները մտադիր են հետ կանգնել իրենց մտադրությունից: Այս որոշման վրա ազդել է ուսանողների համառ պայքարը:
Մեր տեղեկություններով՝ ԲՈՒՀ-ում նման տպավորություն են ստացել նաև կառավարության ներկայացուցիչների հետ քննարկումներից:
ArmLur.am-ը կհետևի իրադարձությունների հետագա զարգացումներին և նոր մանրամասներ կհայտնի ընթերցողին:
Հավելենք, որ ArmLur.am-ի տեղեկություններով՝ Նիկոլ Փաշինյանն ը հրահանգել է կանգնեցնել բոլոր կրթական համակարգի ծրագրերը, ֆինանսավորման հարցերը մինչև բուհ-երի միավորման հարցերին լուծում կտրվի: Բոլորը սպասում են՝ հասկանալու համար, թե հարցը ինչպես է լուծում ստանալու:
.gif)
