ՏԵՍԱՆՅՈՒԹ. Սոնա Շահգելդյանը՝ իր մեքենան թալանելու մասին. ինչ է տեղի ունեցել

Իմ մեքենան չեն թալանել, նման բան չի եղել: Այս մասին ArmLur.am-ի հետ զրույցում ասաց երգչուհի Սոնա Շահգելդյանը՝ անդրադառնալով  իր մեքենան թալանելու մասին լուրերին:

Քիչ առաջ ArmLur.am-ին հայտնի դարձավ, որ ենթադրյալ հանցագործները գողացել են 30 հազար դրամ գումար: Մեզ հայտնի դարձավ, որ գումարը եղել է ղեկի մոտ: Մեզ հասած տեղեկությունների համաձայն՝ Սոնա Շահգելդյանն անձամբ է զանգել Ոստիկանություն և հայտնել, որ մեքենայի ապակին ջարդել են և գումար գողացել:

Նշենք, որ shamshyan.com-ը հայտնել էր, որ դեկտեմբերի 31-ին Երևանում թալանել են ճանաչված ու սիրված երգչուհի Սոնա Շահգելդյանին։

Ինչպես հայտնում է ֆոտոլրագրող Գագիկ Շամշյանը, այդ օրը Ս․ Շահգելդյանը ահազանգել է ՀՀ ոստիկանության օպերատիվ կառավարման կենտրոն և հայտնել, որ նույն օրը, ժամը 01։30-ից մինչև 13։00-ն ընկած ժամանակահատվածում անհայտ անձը կամ անձինք Վ․ Համբարձումյան փողոցի շենքերից մեկի բակում կոտրել են իրեն պատկանող NIssan մակնիշի ավտոմեքենայի դռան ապակին և սրահից հափշտակել այնտեղ եղած գումարը։

Ահազանգով ժամանել են ոստիկանության Արաբկիրի բաժնի օպերատիվ խումբը՝ քրեական հետախուզության բաժանմունքի ավագ օպեր լիազորի գլխավորությամբ։

Դեպքի փաստով՝ Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնում նախաձեռնվել է քրեական վարույթ։

Լիդա Եղիազարյան