ՔՊ խմբակցությունը կհավաքվի. ԱԺ նիստերը մեկնարկում են

ArmLur.am-ը տեղեկացավ, որ Ազգային ժողովի հերթական նստաշրջանը կմեկնարկի հունվարի 16-ին՝ երկուշաբթի: Եվ չնայած, հունվարի 3-ից աշխատանքային տարին մեկնարկել էր, սակայն խորհրդարանում եռուզեռը սկվել է հենց այսօրվանից եւ արդեն նիստեր են գումարում մշտական հանձնաժողովները, որպեսզի հաստատեն ԱԺ օրակարգը: Քննարկվելիք մի քանի հարցեր մնացել են դեռ նախորդ տարվանից, իսկ մի քանի հարցեր էլ կառավարությունն է ընդունել այս օրերին եւ ուղարկել խորհրդարան:

ԱԺ խորհուրդը նիստ կանի հունվարի 13-ին, որի ժամանակ էլ կհաստատի երկուշաբթի օրը մեկնարկելիք ԱԺ Նստաշրջանի օրակարգը: ArmLur.am-ը տեղեկացավ, որ այդ նույն օրը տեղի կունենա նաեւ ԱԺ «Քաղաքացիական պայմանագիր» խմբակցության նիստը, որին ներկա է լինում նաեւ ՀՀ վարչապետ Նիկոլ Փաշինյանը:

Ն.Հ.