ԱԺ հանձնաժողովների նիստերն այսօրվանից մեկնարկում են

ԱԺ մշտական հանձնաժողովներն այսօրվանից նիստեր կգումարեն, իսկ արդեն հաջորդ շաբաթվանից կմեկնարկեն ԱԺ հերթական նիստերը:

Այսպիսով՝ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստը կկայանա այսօր՝ ժամը 14:00-ին: Այսօր ժամը 11:00-ին նիստ կհրավիրի Պետական-իրավական հարցերի մշտական հանձնաժողովը:

Պաշտպանության եւ անվտանգության հարցերի մշտական հանձնաժողովի նիստը տեղի կունենա վաղը ժամը 11:00-ին: Հունիսի 7-ին՝ ժամը 13:00-ին, նիստ կհրավիրի Առողջապահության հարցերի մշտական հանձնաժողովը, վաղը 15.00-ին նիստ կգումարի նաեւ Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովը:

Տնտեսական հարցերի մշտական հանձնաժողովը նիստեր կգումարի հունիսի 7-ին ՝ ժամը 11:00-ին եւ հունիսի 9-ին ՝ ժամը 11:00-ին: Աշխատանքի եւ սոցիալական հարցերի մշտական հանձնաժողովի նիստը կգումարվի հունիսի 9-ին՝ ժամը 12:00-ին:

Ք. Մ.