Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը Twitter-ում թվարկել է ԱՄՆ-ի և ՆԱՏՕ-ի ռազմական գործողությունները այլ երկրներում՝ ասելով, որ ամերիկացիները չեն համարձակվում քննադատել Ռուսաստանին, որը, ի տարբերություն իրենց, պաշտպանում է իր հայրենակիցներին։
«Վերջին տասնամյակների ոչ մի խոշոր տարածաշրջանային հակամարտություն չի ավարտվել առանց ամերիկյան «բարերարների» ուղղակի կամ անուղղակի ներգրավվածության»,- գրել է Մեդվեդևը՝ թվարկելով ԱՄՆ-ի և ՆԱՏՕ-ի ռազմական գործողությունները Երկրորդ համաշխարհային պատերազմից հետո 1950-2015 թվականներին, ներառյալ և մասնավորապես, Ամերիկայի գործողությունները Վիետնամում, ԱՄՆ-ի ներխուժումը Պանամա և Իրաք, ՆԱՏՕ-ի ագրեսիան Հարավսլավիայում և Լիբիայում, ինչպես նաև այլ զինված հակամարտություններ, որոնցում ներգրավված են ԱՄՆ-ի և ՆԱՏՕ-ի ուժերը:
Ինչպես նշել է ՌԴ Անվտանգության խորհրդի փոխնախագահը, ամերիկացիների և ՆԱՏՕ-ի գործողությունների արդյունքում միլիոնավոր մարդիկ են զոհվել։
Նրանց արյունը, ընդգծել է Մեդվեդևը, գտնվում է «ամերիկյան բոլոր նախագահների» ձեռքերին։
.gif)
