Այսօր լրագրողների հետ զրույցում ՀՀ փոխվարչապետ Մհեր Գրիգորյանը հայտարարել է, որ ադրբեջանական կողմը դրական է պատասխանել դելիմիտացիայի հանձնաժողովների հանդիպման մասին հայկական կողմի առաջարկին։ Սակայն հանդիպման օրն ու ժամը դեռ հստակեցված չէ։ Փոխվարչապետի խոսքով՝ հանդիպումը մոտ օրերս տեղի կունենա․ և կքննարկվեն սահմանազատման հետ կապված հարցեր։
Հարցին, թե Հայաստանի տարածքով երթուղիները վերահսկվելո՞ւ են Հայաստանի օրենսդրությամբ, փոխվարչապետն արձագանքեց․ «Դա միանշանակ է»։
«Մի կարևոր կոնսենսուս կա առ այն, որ ապաշրջափակման գործընթացն սկսվում է Երասխ-Հորադիզ երկաթգծի վերաշահագործումից։ Մյուս հարցերի շուրջ դետալներ չեմ հայտնի, որովհետև դեռևս վերջնական կոնսենսուս չկա։ Մեր հարթակի բոլոր մասնակիցները՝ եռակողմ աշխատանքի մասնակիցները, բոլորը կիսում են այդ ընկալումը», – նշեց Գրիգորյանը։
.gif)
