Արմավենու կղզիներից մինչև զվարճանքի այգի․ ուր կարող են այցելել զբոսաշրջիկներն ԱՄԷ-ում

Ճարտարապետության, արվեստի և բնության հսկայական օբյեկտների շարքում պետք է առանձնացնել Արաբական Միացյալ Էմիրությունների որոշ տեսարժան վայրեր։

Armlur.am-ն առանձնացրել է թոփ 5 վայրերը ԱՄԷ-ում, որ պետք է այցելեն զբոսաշրջիկները։

Արմավենու կղզիներ (Դուբայ)

Արմավենու կղզիներն իրավամբ կարելի է համարել աշխարհի ութերորդ հրաշալիքը: Այստեղ դուք միշտ կարող եք գտնել ձեր նախընտրած ժամանցը. դայվինգ, զբոսանավ կամ վինդսերֆինգ:

Ferrari Park (Աբու Դաբի)

Այգու գլխավոր գրավչությունը տպավորիչ տեսարանն է, որն այցելուները ստանում են՝ ուսումնասիրելով համալիրի վառ դիզայնը և դիտելով հետաքրքիր մեքենաներ։

Miracle Garden (Դուբայ)

Այս այգին աշխարհի ամենամեծ ծաղկանոցն է: Այստեղ կարող են գալ թե՛ մեծահասակները, թե՛ երեխաները։ Խորհուրդ է տրվում այցելել առավոտյան ժամերին, երբ դեռ շատ շոգ չէ։

Երգող շատրվաններ (Դուբայ)

Երգող շատրվանները Դուբայում երկրի հարստության և բարգավաճման խորհրդանիշն են: Ամբողջ լողավազանի շուրջ տեղադրված են հզոր ակուստիկ համակարգեր: Նրանք ջրային պարն ուղեկցում են արաբերեն և անգլերեն տարբեր երգերով։

Շեյխ Զայիդի մզկիթ (Աբու Դաբի)

Աբու Դաբիի ամենահայտնի և շքեղ մզկիթն անվանակոչվել է որպես հարգանքի և սիրո նշան ԱՄԷ առաջին նախագահի նկատմամբ։ Մզկիթում ինչպես մուսուլման, այնպես էլ ոչ մուսուլման զբոսաշրջիկների համար անցկացվում են էքսկուրսիաներ։

Ինեսա Սուքիասյան

ԿԱՐԴԱՑԵՔ ՆԱԵՎ

Նման նյութեր