ՏԵՍԱՆՅՈՒԹ. Այսօրվանից երթուղի են դուրս եկել նոր տրոլեյբուսները․ Ավինյան

Այսօրվանից մեկնարկում է տրոլեյբուսային նոր երթուղիների սպասարկումը։ Այս մասին ֆեյսբուքյան իր էջում գրել է Երևանի փոխքաղաքապետ Տիգրան Ավինյանը։

«Թվով 15 նոր տրոլեյբուսները լիովին համապատասխանում են ժամանակակից չափորոշիչներին և պայմաններին, ինչի շնորհիվ կապահովեն հարմարավետ և հանգիստ երթևեկություն։

Կարևոր է, որ տրոլեյբուսային թիվ 2Ա և 10Ա նոր երթուղիները ընդգրկելու են նաև Էրեբունի զանգնվածը, Աերացիան և Դավթաշենը՝ սպասարկելով նաև տրոլեյբուսային կոնտակտային ցանցից դուրս, ինչը մեծապես կնպաստի քաղաքի երթևեկության բարելավմանը և համաչափ զարգացմանը», – գրել է փոխքաղաքապետը։

Նա նաև նշել է, որ տրոլեյբուսային ցանցի և շարժակազմի արդիականացման աշխատանքները կրելու են շարունակական բնույթ։ Արդեն իսկ կնքվել է նոր պայմանագիր՝ ևս 15 նոր տրոլեյբուսների մատակարարման համար։