Ազգային ժողովի «Քաղաքացիական պայմանագիր» խմբակցության պատգամավոր, ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը 2022 թվականի հայտարարագրում հայտարարագրել է բնակարան բազմաբնակարան բնակելի շենքում՝ Արաբկիր վարչական շրջանում, որը 2001 թվականին ժառանգություն է ստացել, սակայն ումից Վարդանյանը չի նշել:
Հանձնված և վերադարձված փոխառությունները կազմել են 53 մլն 974 հազար դրամ, որը ԱՐՍԱԼԵԴԱ ՍՊԸ-ի կողմից է: Այսինքն Վարդանյանը ձեռք է բերել հիպոտեկով բնակարան ԱՐՍԱԼԵԴԱ ՍՊԸ-ի կողմից Արաբկիր վարչական շրջանում կառուցվող բնակելի շինությունից:
Նշենք նաև, որ ԱՐՍԱԼԵԴԱ ՍՊԸ-ն կառուցապատման իրավունք ստացել է Երևանի քաղաքապետի
2022 թվականի ապրիլի 25-ի համար 1533-Ա որոշման: Առաջին անգամ չէ, որ բարձրաստիճան պաշտոնյաներն այս ընկերության կողմից կառուցվող շենքերում տուն են ձեռք բերում: Նրանցից մեկն է դատախազ Արսեն Արսենյանը:
Վարդանյանի բանկային հաշիվների մնացորդները կազմել են 68 հազար դրամ և 2 հազար 201 եվրո, կանխիկ դրամական միջոցները կազմել են 300 հազար դրամ, 390 եվրո և 300 դոլար:
Հաշվետու տարվա եկամուտները կազմել են 59 մլն 785 հազր դրամ, որից 9 մլն 454 հազար դրամն աշխատանքի վարձատրություն է Ազգային ժողովի աշխատակազմի կողմից:
Վլադիմիր Վարդանյանը հանդիսանում է «Սահմանադրական մշակույթ» միջազգային վերլուծական կենտրոն հիմնադրամի և «Հայոց ցեղասպանության թանգարան-ինստիտուտ» հիմնադրամի հոգաբարձուների խորհրդի անդամ և «ՀԱՆՐԱՅԻՆ ԻՐԱՎՈՒՆՔԻ ԿԵՆՏՐՈՆ» գիտակրթական հիմնադրամի հոգաբարձուների խորհրդի նախագահ:
Էմմա Միքայելյան
.gif)
