ՖՈՏՈ․ Մունդուկ ջրվեժից մինչև թռչունների այգի․ ուր կարող են այցելել զբոսաշրջիկները Բալիում

Բալիի տեսարժան վայրերն այնքան շատ են ու բազմազան, որ նույնիսկ փորձառու զբոսաշրջիկները զարմանքով ու հրճվանքով կուսումնասիրեն դրանք։

Armlur.am-ն առանձնացրել է թոփ վայրերը Բալիում, ուր պետք է այցելեն զբոսաշրջիկները։

Տիրտա Գանգայի ջրային պալատ

Նույնիսկ առավել մանրամասն նկարագրությունը չի կարող փոխանցել այստեղ գտնվող արձանների ամբողջ վեհությունը, շատրվանների և լճակների գեղեցկությունը, ծաղկած այգու շքեղությունն ու նրբագեղ կամուրջները:

Մունդուկ ջրվեժ

Ջրվեժի առավելություններից է հյուրերի փոքր թիվը։ Եթե ​​ցանկանում եք զգալ ամբողջական միասնություն բնության հետ, գնացեք այստեղ։

Թռչունների այգի Բալիում

Արգելոցում կարելի է ծանոթանալ ավելի քան 250 տեսակի թռչունների, որոնք ապրում են (հիմնականում) ազատ պայմաններում, այլ ոչ թռչնանոցներում ու վանդակներում։ Բացի թռչունների կացարանից, արգելոցը բույսերի այգի է (մոտ 2 հազար տեսակ)։

Սաֆարի պարկ

Բալիի այս ատրակցիոնի խնդիրն է հավաքել բոլոր տեսակի զվարճանքները մեկ վայրում։ Ծովային պարկի համալիրի տարածքը անհավանական հսկայական է։ Այստեղ ձեզ կառաջարկվի ռեստորաններ ազգային խոհանոցով, ջրաշխարհի և զվարճանքի տարածք: Բայց ամենակարևորն այն է, որ այգու տարածքը տեղական պայմաններում պահպանված է էկզոտիկ կենդանիների համար (ավելի քան 50 տեսակ Ինդոնեզիայից, Հնդկաստանից և Աֆրիկայից): Սաֆարիի ժամանակ դուք կարող եք մոտիկից ծանոթանալ նրանց կյանքին և սովորություններին:

 Tegenungan-ի ջրվեժ

Դուք կարող եք լողալ զով ջրերում և ստանալ օրիգինալ լուսանկարներ։ Ջրվեժը փոքր է, բայց դեպի նրան տանող ճանապարհը հանգիստ ու գեղեցիկ է։ Tegenungan-ի մոտ կա ավտոկայանատեղ։ Երեխաների հետ ճանապարհորդների համար սա լավագույն տարբերակն է:

Բալանգան լողափ

Ճեղքող ալիքներ, սպիտակ ավազ՝ հանգստանալու և, մեծ մասամբ, սերֆինգի համար։ Կա այն ամենը, ինչ հարկավոր է զբոսաշրջիկներին՝ պասիվ հանգստի համար։

Ինեսա Սուքիասյան