Երևանում ամեն քայլափոխի հնդիկներին հանդիպելն այսօր արդեն սովորական բան է դարձել, սակայն այն ինչ կատարվում էր մայրաքաղաքի սրտում, գրավեց շատերի ուշադրությունը: Մի շարք հնդիկների մասնակցությամբ տեղի էր ունենում նկարահանում:
Իրավիճակի հանդեպ հետաքրքրությունն էլ ավելի մեծացավ, երբ նկարահանման հրապարակում հայտնվեցին դերասաններ Ռաֆայել Երանոսյանը, Զիրոյանը, Աննա Մանուչարյանը ու Սոնա Մաթևոսյանը:
ArmLur.am-ի տեղեկություններով՝ նկարահանումն իրականացնում է Yeremyan Production-ը:
«Վաղուց ենք նման ծրագրեր իրականացնում: Կոնկրետ այս դեպքում նկարահանվող տեսահոլովակը ռոմանտիկայի ժանրում է, նկարահանվում են հնդիկ երգիչներ, ովքեր հատուկ տեսահոլովակի նկարահանման համար գալիս են Հայաստան: Նրանցից մեկը մեծ ճանաչում վայելող, հնդիկ երգիչ և երաժշտական պրոդյուսեր Ռամմջի Գուլատին է: Մոդելը, որը նկարահանվում է հոլովակում հրավիրվել է Սերբիայից: Հայաստանում է լինելու 2 օր: Նկարահանող անձնակազմը և՛ Հայաստանից է, և՛ Հնդկաստանից»,-ArmLur.am-ի հետ զրույցում նշեց Yeremyan Production-ի ղեկավար Երեմ Երեմյանը:
Մարիամ Ղազարյան
.gif)
