«Ես սենյակի կռիվ չեմ անում»․ Ծաղիկ Վարդանյանի նախկին կապերն ու սպասվող պաշտոնանկությունը

Առողջապահության նախարարության աշխատակազմի պետական առողջապահական գործակալության պետ Ծաղիկ Վարդանյանը, որը Առողջապահության նախարար Անահիտ Ավանեսյանի որոշմամբ հեռացվել էր աշխանքից, վերջերս դատարնի վճռով վերականգնվել է պաշտոնին:

ArmLur.am-ը գել էր, որ նրա վերադարձը շոկ է առաջացրել ՊԱԳ-ում, քանի որ Ծաղիկ Վարդանյանին այդ կառույցում չեն ընդունում, ինչպես աշխատակիցներն են պատմում, շատ կոնֆլիկտային է ու վատ է վերաբերվում իր ենթականերին:
ArmLur.am-ին հասած տեղեկությունների համաձայն՝ չնայած դատարանի վճռին, վերջինս առաջիկայում կրկին պաշտոնանկ է արվելու:

ArmLur.am-ի հետ զրույցում ՊԱԳ-ի տնօրեն Ծաղիկ Վարդանյանը ահազանգում է, որ աշխատանքի վերադառնալուց հետո իրեն այլ աշխատասենյակ են տրամադրել, որն անմխիթար վիճակում է, ինչպես ինքն է պատմում՝ խոնավ է սենյակում ու այնտեղ սողուններ է նկատել.

«Իմ հին սենյակը չեն վերադարձրել, այն սենյակը, որը պետական առողջապահական գործակալության պետի համար է նախատեսված, չեն տրամադրել: Աշխատակցիներին հարցրի՝ ինչո՞ւ իմ սենյակը չեք տալիս, ասացին՝ այլ սենյակ ենք քեզ տալու: Փակել են պետի համար նախատեսված սենյակը, չեն թողնում մտնեմ, չեմ հասկանում՝ եթե ամեն ինչ նորմալ է այնտեղ, ինչո՞ւ ինձ չեն թողում մտնել: Այդ սենյակը շատ անմխիթար վիճակում է, մի քանի ագամ այնտեղ կենդանիներ եմ տեսել, ես ասացի, որ չեմ կարող այնտեղ մնալ, ֆոբիա ունեմ:Հիմա լքված անկյունում մի սենյակ են տվել, ես էլ իրենց ասել եմ, որ ֆոբիա ունեմ սողուններից, չեմ կարող առաջին հարկում նստել: Դատարանը որոշել է, որ ինձ պետք է վերականգնի պաշտոնիս, նշանակում է, որ աշխատանքային պայմաններս ևս պետք է վերականգնեն, այլ բան չեմ ուզում: Ես սենյակի կռիվ չեմ անում, բայց անհասկանալի է՝ ՊԱԳ-ի պետի համար նախատեսված սենյակը ինչու՞ են փակել, առանց բացատրության չեն տալիս, հիմա եթե գաք տեսնեք պետի տեղակալների, մյուս աշխատակիցների պայմանները, կհասկանաք, որ սա խտրական վերաբերմունք է»,-պատմում է Ծաղիկ Վարդանյանը:

ArmLur.am-ը ահազանգի հետքերով դիմել է նաև Առողջապահության նախարարություն, որտեղից մեզ փոխանցեցին, որ կետ առ կետ կատարել են դատարանի որոշումը, ուստի Ծաղիկ Վարդանյանի մեղադրանքներն անհիմն են:
Ի դեպ, ՊԱԳ-ի մեր աղբյուրները հայտնում են նաև, որ Ծաղիկ Վարդանյանը դեռևս պահում է իր կապերը նախկին իշխանության տարբեր ներկայացուցչների հետ ու ամեն ինչ անում է, որ իր պաշտոնում մնա, սակայն անարդյունք: Ըստ նույն տեղեկությունների դատական պրոցեսների ընթացքում ևս Վարդանյանին օգնել են իր վաղեմի ընկերները:

Քրիստինա Մուշեղյան