«Քարահունջ» ռեստորանում հրդեհ էր

Օգոստոսի 17-ին, ժամը 07։04-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Քարահունջ» ռեստորանային համալիրում հրդեհ է բռնկվել:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 07:28-ին, մարվել՝ 07:56-ին: Այրվել են խոհանոցը (մոտ 40 քմ)՝ գույքով և խոհանոցին կից կառույցը (մոտ 9 քմ)։