Ուղիղ մեկ տարի առաջ այս օրը Ադրբեջանը սկսեց ինտենսիվ ռմբակոծել Ջերմուկի մատույցները:
Կեսգիշերն անց սկսել էին ռմբակոծել քաղաքը շրջապատող սարերն ու հարակից տարածքը, որը ի սկզբանե տևել էր 2-3 ժամ: Ադրբեջանական զինուժի կրակի հետևանքով հրդեհ էր բռնկվել Ջերմուկի անտառներում: Իրավիճակը հետագայում ավելի լարվեց․ Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից ինտենսիվ կրակ էին վարում հայկական դիրքերի ուղղությամբ՝ կիրառելով նաեւ ԱԹՍ-ներ:
Ավելի ուշ Նիկոլ Փաշինյանը ԱՊՀ երկրների ղեկավարների գագաթնաժողովին հայտարարեց, որ սեպտեմբերին ադրբեջանական ագրեսիայի հետևանքով զոհվել կամ անհետ կորել է 210, վիրավորվել 293 զինծառայող, անհետ կորածների թիվը 28 է։
Չնայած հանկարծակիի գալուն, քաղաքի բնակչությունը շատ արագ պատսպարվեց ապաստարաններում, բնակչության մեծ մասը տարհանվեց, մոտակա մի քանի օրերին էլ քաղաք էին անընդհատ այցելում միջազգային կազմակերպությունները:
Ավելի ուշ, քաղաքը անցավ իր բնականոն կյանքին, սակայն ադրբեջանական կողմը մինչ օրս շարունակում է իր սադրանքները:
Մարիամ Ղազարյան
.gif)
