ՏԵՍԱՆՅՈՒԹ. Ադրբեջանի ԶՈՒ-ն շարունակում է դիրքային առաջխաղացման գործողությունները. ինչ իրավիճակ է այս պահին

Սեպտեմբերի 19-ին, Ադրբեջանի զինված ուժերը սանձազերծել են հերթական ռազմական ագրեսիան Արցախի Հանրապետության դեմ` խախտելով միջազգային իրավունքի սկզբունքները և 2020 թվականի նոյեմբերի 9-ի ռազմական գործողությունների դադարեցման մասին Եռակողմ հայտարարության դրույթները։ Մայրաքաղաք Ստեփանակերտը և այլ բնակավայրերը ներկայումս ենթարկվում են զանգվածային հրետանային և հրթիռային ռմբակոծության և օդային հարվածների։ Կան զոհեր, այդ թվում՝ քաղաքացիական բնակիչների շրջանում։

Ժամը 03:00-ի դրությամբ, Մարդու իրավունքների պաշտպանի գրասենյակ ստացված տեղեկատվության համաձայն, խաղաղ բնակչության շրջանում զոհերի թիվը հասել է 7-ի՝ 3 կին, 2 երեխա և 2 տղամարդ: Վերջին տվյալներով՝ զոհերի թիվը 27 է, սակայն թիվը գնալով աճում է, Ադրբեջանական զինուժը թիրախավորում է նաև շտապօգնոթւյան մեքենաները, որոնք չեն կարողանում անգամ դիերը տեղափոխել:

Ժամը 10:00-ի դրությամբ մարտերը շփման գծի երկայնքով տարբեր ինտենսիվությամբ շարունակվում են: