Չինաստանում ապրում Է 48 հազար 921 մարդ, որոնք 100-ից բարձր
տարիք ունեն: Ինչպես տեղեկացնում Է ”Արմենպրես”-ը, այս տվյալներն այսօր հաղորդել Է ”Չայնա դեյլի” թերթը՝ վկայակոչելով ՉԺՀ-ի գերոնտոլոգիական
ընկերությունը: Վիճակագրությունը վկայում Է, որ այս տարի Չինաստանի այն բնակիչների
ընդհանուր թիվը, ում տարիքը հատել Է 100-ամյա սահմանագիծը, 2010 թվականի համեմատ ավելացել
Է 5228-ով: 2011 թվականին իր 126-ամյակն Է նշել նաեւ մոլորակի ամենածեր բնակչուհին՝
չինուհի Լո Մեյչժենը՝ ՉԺՀ-ի Գուանսի-Չժուանի ինքնավար շրջանից: Գերոնտոլոգիական ընկրության
զեկույցում հաղորդվում Է, որ Գեյչժոու նահանգում հայտնաբերվել Է երկրի ամենածեր ընտանեկան
զույգը: Ամուսինների ընդհանուր տարիքը 213 Է: Ինչպես ցույց են տալիս հետազոտությունները,
չինացի երկարակյացների հիմնական մասը բնակվում Է Չինաստանի հարավ-արեւմուտքում: Ներկայում
ՉԺՀ-ն երկրորդ տեղն Է պահպանում այն երկրների ցուցակում, որոնք 100-ից բարձր տարիքի
առավել մեծ թվով բնակիչներ ունեն: Ըստ վերջին տվյալների՝ այժմ Չինաստանում կյանքի միջին
տեւողությունը 73,5 տարի Է: 12-րդ հնգամյակում, որն ընդգրկում Է 2011-2015 թվականները,
երկրի կառավարությունը խնդիր Է դրել այդ ցուցանիշն ավելացնել մեկ տարով:
.gif)
