Հոլիվուդյան աստղին շտապ հոսպիտալացրել են Ուզբեկստանում

Հոլիվուդյան դերասան Քևին Սփեյսին հոսպիտալացվել է Տաշքենդում սրտի կաթվածի կասկածով, այն բանից հետո, երբ կինոփառատոնի ժամանակ նրա ինքնազգացողությունը վատացել է։ Սակայն մտավախությունները չեն հաստատվել, չորեքշաբթի օրը գրել է Sun թերթը։

«Քևին Սփեյսիին շտապ տեղափոխել են հիվանդանոց՝ մտավախությունների պատճառով, որ նա սրտի կաթված է ստացել այն բանից հետո, երբ նրա ձեռքը թմրել է կինոփառատոնի ժամանակ», – ասվում է պարբերականում:

Նշվում է, որ դերասանը ներկա է գտնվել Տաշքենդի XV միջազգային կինոփառատոնին, որը տեղի է ունեցել սեպտեմբերի 29-ից հոկտեմբերի 3-ը։ Միջոցառման ժամանակ նա իրեն վատ է զգացել, և մի քանի վայրկյան «ձախ ձեռքը լրիվ թմրել է», գրում է Sun-ը։