Հայաստանում կանանց բռնությունների դեպքերով զբաղվող ՀԿ-ները մշտապես հայտարարում են Հայաստանում ընտանեկան բռնությունների մասին (մասնավորապես խոսքը կնոջը բռնության ենթարկելու մասին է) և դա համարում լուրջ խնդիր: Կանանց մեկամսյակի նախօրեին այդ ՀԿ-ներն ավելի են ակտիվանում: Արդյոք Հայաստանում դա լուրջ խնդիր է, թե դրամաշնորհներով սնվող ՀԿ-ները խնդիրը պարզապես ուռճացնում են:
«Ընդդեմ իրավական կամայականության» հասարակական կազմակերպության ղեկավար, մարդու իրավունքների նախկին պաշտպան Լարիսա Ալավերդյանը Armlur.am լրատվականի թղթակցի հետ զրույցում ասաց, որ եթե հասարակությունը զարգանում է, սոցիալ-տնտեսական վիճակը բարելավվում է, ընտանեկան բռնությունները կամ քիչ են լինում կամ ընդհանրապես չեն լինում: «Սակայն, երբ արժեհամակարգը փլուզվում է, մասնավորապես, երբ տղամարդը կորցնում է իր դերակատարությունը, իր ագրեսիան արտահայտում է տանը: Ես հիշում եմ ` 1990-ականներին տղամարդկանց մեծ մասն ուղղակի ինքնասպան էին լինում: Դուք գիտեք տղամարդիկ գո՞հ են, երբ իրենց կանայք տունը պահելու համար Թուրքիայից ապրանք են բերում»,- ասաց ՀԿ-ի ղեկավարը:
Մարդու իրավունքների նախկին պաշտպանը դժվարանում է ասել` արդյոք ընտանեկան բռնություններով զբաղվող ՀԿ-ները ուռճացնում են խնդիրը, թե ոչ, բայց վստահ է` խնդիրը մեր երկրում ծագել է 1990-ականներից:
Բնապահպան Կարինե Դանիելյանն էլ մեր թղթակցի հետ զրույցում ասաց, որ ինքը մանկության տարիներին հակառակն է տեսել` ռուս ընտանիքում կինը ծեծում էր հարբած ամուսնուն:
.gif)
