ԶՈՒ ԳՇ պետի նախկին տեղակալ Ստեփան Գալստյանը գրավի դիմաց ազատ կարձակվի

Երևանի ընդհանուր իրավասության դատարանը բավարարել է ՀՀ զինված ուժերի գլխավոր շտաբի պետի նախկին տեղակալ Ստեփան Գալստյանի խափանման միջոցը փոխելու միջնորդությունը։

Ստեփան Գալստյանը ազատ կարձակվի 25 միլիոն դրամ գրավի դիմաց:

Հիշեցնենք՝ Երևանի ընդհանուր իրավասության դատարանը նախորդ տարվա հոկտեմբերի 2-ին Գլխավոր շտաբի պետի նախկին տեղակալ Ստեփան Գալստյանին կալանավորելու մասին որոշում էր կայացրել։

Ըստ ԱԱԾ հաղորդագրության՝ Գալստյանը կալանավորվել է ՀՀ զինված ուժերի կարիքների համար ռազմամթերքի մատակարարման գործընթացում չարաշահումներ և առանձնապես խոշոր չափերով հափշտակություններ կատարելու դեպքերի առթիվ քննվող քրեական գործի շրջանակներում։

Նույն գործի շրջանակներում կալանավորվել են ՀՀ պաշտպանության նախկին նախարար Դավիթ Տոնոյանն ու ԶՈՒ-ին ռազմամթերք մատակարարող ընկերության տնօրեն Դավիթ Գալստյանը (Պատրոն Դավո):