Վաշինգտոնը աջակցում է Ադրբեջանի և Հայաստանի միջև խաղաղությանն ու հարաբերությունների կարգավորմանը, հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենը։
«Մենք աջակցում ենք խաղաղության համաձայնագրին, կողմերի միջև կայուն և արժանապատիվ խաղաղության ձեռքբերմանը։ Մենք քաջալերված ենք, որ երկու երկրներն ունենան առողջ խաղաղության օրակարգ»,- ասել է ամերիկացի դիվանագետն օտարերկրյա լրագրողների համար առցանց ճեպազրույցում։
Նա նշել է, որ ԱՄՆ-ն լավ հարաբերություններ ունի քաղաքականության, տնտեսության և անվտանգության ոլորտներում Ադրբեջանի և Հայաստանի հետ։
«Մենք հավատում ենք, որ կողմերի միջև խաղաղության հասնելը հնարավորություններ կստեղծի տարածաշրջանային տնտեսական զարգացման համար»,- ասել է նա և հավելել, որ խաղաղությունն օգուտ կբերի տարածաշրջանի ժողովուրդներին։
.gif)
