
Բրազիլիայում տեղի է ունեցել Ռուսաստանի և Թուրքիայի ԱԳ նախարարներ Սերգեյ Լավրովի և Հաքան Ֆիդանի հանդիպումը։ Կողմերը քննարկել են առաջիկա ժամանակահատվածում նախատեսված բարձր մակարդակի այցերը, երկկողմ և տարածաշրջանային միջոցառումները։
Թուրք նախարարն իր գործընկերոջը փոխանցել է, որ Անկարան հույս ունի ռուս-ուկրաինական պատերազմի դիվանագիտական լուծման՝ բոլոր կողմերի մասնակցությամբ։ Նրա խոսքով՝ Թուրքիան աջակցում է տարածաշրջանային կայունությունն ու բարգավաճումը պահպանելու բոլոր նախաձեռնություններին։
Նախարարները քննարկել են նաև Գազայում տիրող հումանիտար ծանր իրավիճակը և այս ուղղությամբ խնդիրների լուծման հնարավոր քայլերը։