Ամերիկացի սենատորները կքննարկեն ԱՄՆ-ում TikTok սոցիալական ցանցի հնարավոր արգելքի մասին օրինագիծը, լրագրողներին ասել է Կոնգրեսի վերին պալատի դեմոկրատական մեծամասնության առաջնորդ Չակ Շումերը։
«Սենատը կքննարկի օրինագիծը, երբ այն դուրս գա Ներկայացուցիչների պալատից», – ասել է նա:
Շումերը նշել է, որ օրինագծի վերաբերյալ կխորհրդակցի «համապատասխան հանձնաժողովների նախագահների հետ՝ նրանց տեսակետները ստանալու համար»:
Նա չի հստակեցրել, թե կոնկրետ երբ կարող է տեղի ունենալ քվեարկությունը։
Օրինագիծն ավելի վաղ հավանության էր արժանացել ԱՄՆ Կոնգրեսի Ներկայացուցիչների պալատի կողմից։
Նախաձեռնությունը նպատակ ունի խզել հարթակի կապերը «չինական կողմից վերահսկվող սուբյեկտի» հետ, ներառյալ ByteDance-ը, որին այժմ պատկանում է TikTok-ը:
Օրենսդիրներն առաջարկում են ByteDance-ին վեց ամիս ժամանակ տալ սոցիալական ցանցը վաճառելու համար, հակառակ դեպքում TikTok-ը կարող է արգելվել ԱՄՆ-ում։
.gif)
