Տրապիզոնում 15 հազար հայ երեխաներին ծովում խեղդելու հրաման տված Ջեմալ Ազմին և «Թեշքիլաթը մահսուսե» կազմակերպության հիմնադիրներից Բեհաեդդին Շաքիրը սպանվել են 102 տարի առաջ այս օրը՝ վրիժառու, «Նեմեսիս» գործողության իրագործողներից Արշավիր Շիրակյանի և Արամ Երկանյանի ձեռքով:
Տրապիզոնի նախկին նահանգապետ Ջեմալ Ազմին Հայոց Ցեղասպանության կազմակերպիչներից էր, ով ծրագրել էր նահանգի հայերի տարհանումն ու բնաջնջումը և արժանացել «Տրապիզոնյան մսագործ» անվանմանը:
Տրապիզոնյան կոտորածների համար 1919 թվականի մայիսի 22-ին՝ Երիտթուրքերի դատավարության շրջանակներում, հեռակա կարոգով դատապարտվել է մահվան, սակայն սպանվել «Նեմեսիս» գործողության մասնակից հայ վրիժառուներ Արամ Երկանյանի և Արշավիր Շիրակյանի կողմից՝ 1922 թվականի ապրիլի 17-ին։
Նույն օրը միաժամանակ սպանվել է նաև «Միություն և առաջադիմություն» կուսակցության 2-րդ քարտուղար, թուրք քաղաքական գործիչ Բեհաեդդին Շաքիրը:
Հուրի Բաղդասարյան
.gif)
