«Հարգելի հեռուստաընկերություններ, շտապեք, քաղաքական գործիչներից մեկը եթերով «կուկարեկու» պիտի կանչի… Հ.Գ. Տղամարդու խոսքը խոսք է…»։
Կարեն Ավագյան, Facebook
ՀՀԿ երիտթևի՝ ոչ այնքան երիտասարդ նախագահը նկատի ունի Հրանտ Բագրատյանի ելույթը և նույնիսկ փաստարկներ է բերում։ Բայց սա չէ քննարկման առարկան, այլ՝ Կարեն Ավագյանի թողած հետգրությունը։
Եթե կարկառուն ՀՀԿ-ականը կողմնակից է «տղամարդու խոսքը խոսք է» սկզբունքին, ապա ինչպե՞ս է մնում մի կուսակցությունում, որի նախագահը ասել էր. «Այն կառավարությունը, որը չապահովի աշխատավարձի առաջանցիկ աճ, պետք է հրաժարական տա», կամ «Հայաստանի Հանրապետության այն կառավարությունը, որը տարվա արդյունքներով, դա վերաբերում է 2013-2017 թվականներին, չապահովի տնտեսական 7 տոկոս աճ, այդ կառավարությունը պետք է հրաժարական տա»։
Ի դեպ, այդ նույն կառավարության անդամներն էլ հիմնականում նույն կուսակցության ներկայացուցիչներն են։ Այսինքն՝ մեր քաղաքական ուժերի և գործիչների (ոչ միայն իշխանական) դեպքում՝ խոսքը ո՛չ խոսք է, ո՛չ էլ՝ գործ։
Կարեն Վարդանյան
.gif)
