Շարժման ընթացքում վիրավորում ստացած լրագրողը գտնվում է հիվանդանոցում. մանրամասներ

Այսօր՝ մայիսի 13-ին, «Տավուշը հանուն հայրենիքի» շարժման մասնակիցների նկատմամբ վաղ առավոտից ոստիկանների կողմից բիրտ ուժ է կիրառվում:

Ինչպես նաև ուժի կիրառման ժամանակ վնասվածք է ստացել 24News լրատվական կայքի լրագրողը:

ArmLur.am-ը կապ հաստատեց 24News լրատվական կայքի խմբագիր Նարեկ Գալստյանի հետ՝ մանրամասներ իմանալու նպատակով, վերջինս ասաց, որ լրագրողը գտնվում է «Հերացի» թիվ 1 համալսարանական հիվանդանոցում:

«Հիմա անցնում է բուժզննություն, որպեսզի հասկանան, թե իրավիճակը ինչպիսին է, ինչի կարիք ունի և այն»:

Նրա խոսքով՝ լրագրողը վնասվածք ունի նաև ձեռքի հատվածում:

Էմմա Մարտիրոսյան