![](https://armlur.am/wp-content/uploads/2024/05/6887e2d5-4a4b-465c-b6f4-42d00f906791.jpg)
Վաղ առավոտից համացանցում շրջանառվում է ապրիլի 19-ի ՀՀ Լոռու մարզպետի աշխատակազմի ֆեյսբուքյան էջի հայտարարությունը, որում ասվում է՝ ««ՁորաՀԷԿ-ի» շահագործման ընթացքում էներգահամակարգի աշխատանքի խափանումներով պայմանավորված, առաջիկայում հնարավոր է կայանի կանգ, որն էլ իր հերթին մինչև օգոստոս ամիս կարող է հանգեցնել ջրի բացթողումների կայանի ջրամբարից:
Վերջինս կարող է Ձորագետ և Դեբետ գետերի վարարումների պատճառ դառնալ:
Վտանգներից խուսափելու համար հորդորում ենք ափամերձ տարածքներում ցուցաբերել առավել զգոնություն»: Շատերը ասում են, որ մայիսի 26-ին տեղի ունեցած աղետի պատճառը հենց դա է եղել:
ArmLur.am-ը կապ հաստատեց Լոռու մարզի մարզպետ Արամ Ղազարյանի հետ՝ պարզելու, թե արդյոք հնարավոր է աղետի պատճառը լինի հայտարարությունում նշվածը, որին ի պատասխան ասաց, որ հնարավոր չէ դրանք փոխկապակցված լինեն:
«Ո՞նց եք կարծում որ նման բան հնարավոր լիներ, արդյոք համապատասխան ընթացակարգով գործընթաց սկսված չէր լինի և բացի դա այդ օրը միայն Ալավերդիում չի եղել, Տաշիրից սկսած ամբողջ տարածաշրջանում ՝ Գյուլագարակ համայնք, Փամբակ այդ հատվածներից սկսած մեծ վնասներ է եղել, հիմա ի՞նչ կապ ունի այդ հրապարակումը»:
Մանրամասները՝ տեսանյութում։
Էմմա Մարտիրոսյան