ՀՀԿ պատգամավոր Շուշան Պետրոսյանը հազվադեպ է ԱԺ-ում ելույթ ունենում, կառավարության ներկայացուցիչներին էլ մեծամասամբ հարցեր չի ուղղում: Այսօր, սակայն, պատգամավորը Հասմիկ Պողոսյանից հետաքրքրվեց` օպերայի և բալետի թատրոնի տնօրենի թափուր պաշտոնի համար հայտարարված մրցույթին: Երգչուհուն հետաքրքրում էր` ինչ սկզբունքով է առաջնորդվելու նախարարությունը տնօրեն ընտրելու առնչությամբ:
Նախարարն ասաց, որ առաջնորդվելու է ՊՈԱԿ-ի մասին օրենքով, որը ստեղծելու է հանձնաժողով ՝ մրցույթն անցկացնելու համար:
«Կարևոր դեր կխաղա այն, թե ի՞նչ հայեցակարգ կներկայացնեն թեկնածուները: Կառավարման ոլորտը պահանջում է որոշակի գիտելիքներ, և միայն մի ոլորտի գիտելիքները բավական չեն լինի»,- ասաց նախարարը:
Շուշան Պետրոսյանն ասաց, որ գրանցված ինը թեկնածուներից միայն մեկն է ներկայացրել ծրագիր:
Մշակույթի նախարարը կոչ արեց երգչուհուն չապակողմնորոշել հանրությանը, պարզապես 9 թեկնածուներից մեկը որոշել է հրապարակել իր ծրագիրը, մյուսները ` ոչ:
.gif)
